Kampo ni Rep. Teves, duda sa proteksyong maibibigay ng PNP

 

Sa programang #SaTotooLang ng One PH, ipinaliwanag ng legal counsel ni 3rd District Negros Oriental Rep. Arnolfo Teves Jr. na si Atty. Ferdinand Topacio na may pagdududa ang kanilang kampo sa proteksyong maibibigay ng Philippine National Police (PNP) kaya hindi pa humaharap ang kongresista sa Kamara. "Alam n'yo po when a person na elected na public official such as Cong. Teves or anyone for that matter, please there are threats to his life. He should be given the benefit of the doubt... Alam n'yo there is a limit to a protection that one can be given... What if i-frame up siya for some murder and ilagay siya sa selda," ayon kay Topacio. Kinuwestiyon din ni Topacio ang hindi pagpayag ng Kamara na makapagpaliwanag si Teves sa plenary session sa pamamagitan ng video conferencing. "Pakikinggan lang naman. Wala naman pong mawawala sa dignidad ng Kamara o committee of ethics kung magbi-video teleconferencing. Kung sa Kongreso nga po, puwede nga pong bumoto by video... Why not use modern technology?" dagdag pa niya. Nagbigay na ng 24-hour ultimatum ang House Committee on Ethics and Privileges kay Teves upang umuwi sa Pilipinas at personal na humarap sa pagdinig ng komite. #News5 Follow News5 and stay updated with the latest stories! Facebook: facebook.com/News5Everywhere Twitter: twitter.com/News5PH Instagram: @news5everywhere Tiktok: https://www.tiktok.com/@news5everywhere Website: news5.com.ph